A web está incluída nun proxecto máis ambicioso acollido ao programa Cidades Dixitais 2007-2010, financiado Consellaría de Industria, o ministerio e o Fondo Europeo de Desenvolvemento Rexional. Este programa apoia aquelas iniciativas relacionadas coas novas tecnoloxías que teñan unha marcada orientación social.

A Concellaría de Cultura iniciou no mes de decembro os traballos para poñer en marcha un xestor de contidos que fose capaz de almacenar e publicar en liña todos os recursos culturais do Concello. O resultado foi un potente programa baseado en software libre que permite administrar eventos, espazos, axentes culturais e noticias asociados a sete categorías temáticas: música, artes escénicas, cinema, arte, letras, cursos e charlas, varios e unha parte especial para as nenas e nenos.

Ademais, o xestor tamén ofrece a posibilidade de publicar galerías fotográficas e vídeos, xa sexa creados polos administradores/as ou enviados polos internautas previamente rexistrados. De feito, a participación social é un dos principais cometidos de pontevedracultura.org -a parte web do xestor-, dado que calquera persoa pode propoñer eventos de axenda e outros contidos para que se publiquen.

O proxecto conta cun orzamento de 62.000 euros distribuídos nas anualidades de 2007 e 2008. A Consellaría de Industria subvencionou case o 59 por cento desta contía."

www.pontevedracultura.org

Agardamos que non sexa outro intento fallido de innovación por parte da nosa adminitración, e que manteñan se no e diariamente con frecuencia o programa cultural tan variado da nosa cidade.